काठमाडौं । प्रहरी महानिरीक्षक प्रकाश अर्यालले प्रहरी कर्मचारीलाई टीका–जमरा लगाइदिएका छन् ।  प्रधान कार्यालयस्थित प्रहरी महानिरीक्षकको निवासमा हरेक वर्षझैं प्रहरी अधिकृत तथा प्रहरी जवानहरु एवम् प्रहरी परिवारलाई विजयादशमी २०७४ का अवसरमा आइतबार टीका लगाइदिएका हुन् । 

विजयादशमीका दिनमा नागरिकको सुरक्षामा खटिनुपर्ने भएकाले टीकाको भोलीपल्ट प्रहरी प्रमुख तथा प्रहरी कार्यालयका प्रमुखहरूबाट टिका थाप्ने चलन छ । 
उपत्यकामा भएका प्रहरी अधिकृत तथा प्रहरी जवानहरूलाई सामूहिक रूपमा टिका लगाउने चलन रहेको छ । 

यसैबीच महानगरीय प्रहरी आयुक्त एआईजी जयबहादुर चन्दले पनि मातहतका प्रहरी कर्मचारीलाई टीका लगाइदिएका छन् ।