काठमडौं । नेपाल टेलिकमकोे खुद मुनाफा १३ प्रतिशत बढेको छ । टेलिकमक प्रबन्ध निर्देशक कामिनी राजभण्डारीका अनुुसार टेलिकमले गएको आर्थिक वर्ष २०७३—०७४ मा १३. ११ प्रतिशत खुद मुनाफा मुनाफा गरेको छ । यो कर काटेपछिको मुनाफा हो । आफ्नो कार्यकाल एक वर्ष पूरा भएको अवसरमा शुक्रबार पत्रकार सम्मेलन आयोजना गरेकी थिइन् । 

उनका अनुसार अघिल्लो आवमा कम्पनीको खुद मुनाफा १३ अर्ब २७ करोड रुपैयाँ रहेकोमा गएको वर्ष बढेर १५ अर्ब १ करोड रुपैयाँ पुगेको छ । “कम्पनीको प्रतिशेयर आम्दानी पनि अघिल्लो अर्थिक वर्षको तुलनामा बढेको छ,” उनले भनिन्, “अघिल्लो आवमा ८८.४७ रुपैयाँ रहेको शेयर मूल्य गएको आवसम्म आइपुग्दा १००.११ रुपैयाँ पुगेको छ ।”

त्यस्तै उनले कूल आम्दानी पनि वृद्धि भएको बताइन् । उनका अनुसार अघिल्लो आर्थिक वर्ष ४४ अर्ब २१ करोड रहेको कूल आम्दानी गएको आर्थिक वर्षमा १.४ प्रतिशतले बढेर ४४ अर्ब ८३ करोड रुपैयाँ पुगेको छ । 

कम्पनीको खर्चमा कमी आएको टेलिकमको भनाइ छ । अघिल्लो आवकोे तुलनामा ६.२४ प्रतिशतले घटेको हो । प्रबन्ध निर्देशक राजभण्डारीले २५ अर्ब ९८ करोड रुपैयाँ रहेको खर्च गएको आवमा घटेर २४ अर्ब ३६ करोड रुपैयाँमा सीमित भएको बताइन् । कार्यक्रममा उनले टेलिकमको पछिल्लो उपलब्धीको बारेमा जानकारी दिएकी थिइन् ।