काठमाडौं । प्रहरी मुख्यालयले पर्सा र सप्तरी जिल्लाको प्रहरी प्रमुखमा एसपी सुदिप गिरी र मुकेस सिंहलाई पठाउने भएको छ । पर्सामा गिरी र सप्तरीमा सिंहलाई पठाउन लागिएको नेपाल प्रहरीका प्रवक्ता सर्वेन्द्र खनालले जानकारी दिए । 

अनियमितता आरोप लागेका सप्तरी र पर्साका प्रहरी प्रमुखलाई केही दिनअगाडि छानविनको लागि हेडक्वार्टर तानिएको थियो । 

प्रहरी मुख्यालयमा परेको उजुरीका आधारमा सप्तरीका प्रमुख अनुराग द्विवेदी र पर्साका प्रमुख गोविन्द साहमाथि आर्थिक अनियमिमताको आरोपमा अनुसन्धानका भइरहेको छ । उनीहरुको ठाउँमा दुई नयाँ एसपी खटाउन लागिएको हो ।