काठमाडौं । पछिल्लो चौबीस घण्टामा मुलुकभर कोरोना संक्रमणका कारण चारजनाको मृत्यु भएको छ । योसँगै नेपालमा कोरोनाका कारण मृत्यु हुनेको संख्या एक हजार ९६९ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा  पीसीआर गरिएका चार हजार ९५६ मध्ये ३४८ जनाको नतिजा पोजेटिभ आएको छ । नेपालमा मंगलबारसम्म जम्मा संक्रमितको संख्या दुई लाख ६७ हजार ९९२ पुगेको छ ।

त्यस्तै, पछिल्लो २४ घण्टामा ४४१ जना निको भएका छन् । योसँगै देशमा कोरोनामुक्त हुनेको संख्या दुई लाख ६२ हजार २५९ पुगेको छ ।

हाल क्वारेन्टिनमा १९० जना छन् भने ३ हजार ७६४ जना आइसोलेसनमा रहेको मन्त्रालयले जनाएको छ ।