काठमाडौं । कोभिडबाट पुनरुत्थान हुनेमा ठूला उद्योग बढी देखिएका छन् । नेपाल राष्ट्र बैंकले गरेको अध्ययनअनुसार तीनचौथाइ ठूला उद्योग पूर्ण रुपमा सञ्चालनमा आएका हुन् ।

साना तथा मझौला उद्योग भने आधाको संख्यामा मात्र पुरानो अवस्थामा फर्किका छन् ।

तथ्यांकअनुसार ५० करोड रुपैयाँभन्दा बढी स्थिर पुँजी भएका ठूला उद्योगमध्ये ७५ प्रतिशत पूर्ण सञ्चालनमा आएका छन् । जबकि ४६.५ प्रतिशत घरेलु उलेग, ५१.५ प्रतिशत लघु उद्यम, ३८.७ प्रतिशत १५ करोडसम्म स्थिर पुँजी भएका साना उद्योग र ४९ प्रतिशत ५० करोडसम्म स्थिर पुँजी भएका मझौला उद्योग पूर्ण सञ्चालनमा आएका छन् ।

केन्द्रीय बैंकको तथ्यांकअनुसार ठूला उद्योगमध्ये १७ प्रतिशत आंशिक सञ्चालनमा छन् भने ९ प्रतिशत अझै बन्द छन् ।
-फाइल तस्बिर