भक्तपुर । भक्तपुरमा ड्युटीमा खटिएका प्रहरीमाथि हातपात गरेको आरोपमा
एकजना पक्राउ परेका छन् ।

पक्राउ पर्नेमा सूर्यविनायक नगरपालिका–२, बालकोट बस्ने २२ वर्षीय नारायण सिंह सिलवाल छन् । बालकोटमा ड्युटीमा खटिएका प्रहरीलाई सिलवालले हातपात गरेपछि उनलाई नियन्त्रणमा लिई मादकपदार्थ सेवन जाँच गर्नको लागि कोरियन अस्पताल ठिमी लगिएको थियो ।

त्यहाँ उनले फेरि प्रहरीमाथि हातपात गर्दै अस्पतालको इर्मेरजेन्सी वार्डको झ्याल ढोकाको सिसासमेत तोडफोड गरेका थिए ।