काठमाडौं । राष्ट्रिय धरोहर प्रतिष्ठान नेपालले ‘राष्ट्र एक राष्ट्रको पोसाक किन अनेक ?’ राष्ट्रिय पोसाक दिवस मनाएको छ । प्रतिष्ठानले हराउँदै गएको नेपाली पोसाकलाई संरक्षण गर्ने उद्देश्यसहित आज माइतिघरमा प्रदर्शनसमेत गरेको छ ।

विश्‍वजगतलाई नेपाली पोसाक चिनाउने उद्देश्‍यले आज आठौं राष्ट्रिय पोसाक दिवस मनाइएको प्रतिष्ठानका संस्थापक अध्यक्ष राजानन्द माण्डव्यले जानकारी दिए । ‘‘विगतका वर्षहरुमा पनि हामीले सम्पूर्ण नेपालीको मनमा राष्ट्रिय पोसाक, झन्डाका लागि संघर्ष गर्दै आइरहेका छौँ,’’ उनले भने, ‘‘दौरासुरुवाल, गुन्युचोलो हाम्रो राष्ट्रिय पोसाक हो, सम्पूर्ण नेपालीले यसको संरक्षण गर्न जरुरी छ ।’’
 
मेरो सान मेरो स्वाभिमान
राष्ट्रिय पोसाक संरक्षण महाअभियान
राष्ट्र सुहाउँदो पोसाक राष्ट्रिय पोसाक 
भुगोल सुहाउँदो पोसाक राष्ट्रियताको पोसाक 
पहिरनको पहिचान 
राष्ट्रिय पोसाक महा-अभियान 

तस्बिरहरु : कविराज कार्की/बाह्रखरी