काठमाडौं । गुराँस लाइफ इन्स्योरेन्स कम्पनीको दसौं वार्षिक साधारणसभा सम्पन्न भएको छ । सञ्चालक समितिका अध्यक्ष विवेक दुगडको सभापतित्वमा सभा सम्पन्न भएको हो ।
साधारणसभाले लेखा परिक्षकको प्रतिवेदनसहित २०७५ साल असार मसान्तसम्मको वासलात नाफा नोक्सान हिसाब, नगद प्रवाह विवरण र तत् सम्बन्धि अनुसूची सर्वसम्मतिबाट पारित गरेको छ । विशेष प्रस्ताव अन्तर्गत आव २०७४/७५ को मुनाफाबाट जारी पुँजी १ अर्ब ८७ करोड ७० लाख ४० हजारको ५.२५ प्रतिशत बोनस सेयर र सो बोनसमा लाग्ने कर प्रयोजनार्थ नगद लाभांश वितरणको प्रस्ताव समेत सर्वसम्मतिबाट पारित भएको छ ।
साथै १० औं वार्षिक साधारण सभाबाट आगामी ४ वर्षे कार्यकालको लागि संस्थापक सेयरधनीको तर्फबाट विवेक दुगड, सौरभ दुगड, अपछकुमार यादव, शम्भु प्रसाद सुवेदी, विनय कुमार तोदी तथा सर्वसाधारण सेयरधनीको तर्फबाट विशाल तातेड निर्विरोध निर्वाचित भएका छन् ।
नव निर्वाचित सञ्चालक समितिको आजै बसेको १६२ औं बैठकले विवेक दुगडलाई सर्वसम्मतिबाट सञ्चालक समितिको अध्यक्ष चयन गरेको छ ।