पर्सा । बुहारीको हत्या गरेको अभियोगमा पर्सामा तीनजना पक्राउ परेका छन् । 

पक्राउ पर्नेमा बहादुरमाई नगरपालिका ८, रामनगरी का ६० वर्षीय सुरेश पण्डित, उनकी ५५ वर्षीया पत्नी फूलकुमारी देवी र उनीहरूकी कान्छी बुहारी २३ वर्षीया मालती देवी छन् ।

२५ वर्षीया बुहारी उर्मिला देवी पण्डितलाई घरमा कर्तव्य गरी मारेर घाटमा लगेर दाह संस्कार गरिरहेको भन्ने खबरका आधारमा इलाका प्रहरी कार्यालय पोखरियाबाट खटिएको प्रहरीले शवको आधा भाग जलिसकेको अवस्थामा फेला पारेको हो ।

मृतकका पति विदेशमा रहेको प्रहरीले जनाएको छ ।