काठमाडौं । काठमाडौँमा जारी माछापुच्छ्रे  बैंक कर्पोरेट सुपर सिक्सेस प्रतियोगिताअन्तर्गत तेस्रो दिन सोमबार कुल १० खेल हुँदैछन् । तेस्रो दिन लिग चरण अन्तर्गतका ६ खेल हुँदै छन् जसमध्ये पहिलो खेलमा भारतीय राजदूताबासको टोली मेगा बैंकबिरुद्ध खेल्दैछ भने दोस्रो खेलमा नेपाल लाइफ इन्सुरेन्स र प्राइम बैंक आमनेसामने हुँदैछन् ।

त्यस्तै तेस्रो खेलमा मेगा बैंक र सिप्रदी, चैथो खेलमा कामना सेवा विकास बैंक र कुमारी बैंक, पाचौँ खेलमा माछापुच्छ्रे बैंक र सनराइज बैंक तथा लिग चरणको अन्तिम खेलमा सिप्रदी र भारतीय राजदूतावासको टोली एकआपसमा प्रतिस्पर्धा गर्नेछन् । लिगचरण खेलपछि आजै नकआउट चरणका ४ खेल पनि कीर्तिपुरस्थित त्रिभुवनअन्तर्राष्ट्रिय क्रिकेट मैदानमा हुनेछन् ।

आइतबारको खेलमा सुबिसु, सिभिल बैंक, माछापुच्छ्रे बैंक, एनआईसी एसिया बैंक, कामना सेवाविकास बैंक, नबिल बैंक, नेपाल टेलिकम, सेन्चुरी बैंक र कुमारी बैकले जित हात पारेका थिए ।