राजनीति
![महाअभियोग प्रस्ताव अघि बढाउन एमालेको माग](https://12khari.top/uploads/posts/khagaraj-adhikari-MK1652875066.jpg)
काठमाडौं । प्रमुख प्रतिपक्ष दल नेकपा (एमाले)का सांसदले सर्वोच्च अदालतका तत्कालीन प्रधानन्यायाधीश चोलेन्द्रशमशेर जबरामाथिको महाअभियोग प्रस्तावलाई अघि बढाउन माग गरेका छन् ।
आइतबार प्रतिनिधिसभा बैठकको शून्य समयमा बोल्दै एमाले सांसद खगराज अधिकारीले ‘प्रधानन्यायाधीश सिंहदरबारको एउटा सर्वोच्चको अर्को’ भन्दै जनगुनासो बढेकाले महाअभियोग प्रस्तावलाई टुंगोमा पुर्याउन माग गरे ।
“महाअभियोगको प्रस्ताव समितिमा नलैजानु हाम्रो असक्षमता हो । यसको साक्षी प्रतिनिधिसभा बन्नु हुँदैन,” उनले भने, “आजै समितिमा लगी छानबिन र सुनुवाइ प्रक्रिया सुरु होस् ।”
सांसद अधिकारीले महाअभियोग प्रस्ताव अघि नबढे संविधानको चरम दुरुपयोग भएको ठहर हुने पनि बताए ।
![Global Ime bank](https://baahrakhari.com/uploads/bigyaapan/30885600.gif)
प्रकाशित मिति: आइतबार, असार १२, २०७९ १३:२४
प्रतिक्रिया दिनुहोस्