काठमाडौं । काठमाडौं उपत्यकामा सार्वजनिक बिदाको दिन सरकारी सवारी साधन चलाउन नपाइने भएको छ । सरकारी सवारी साधन चलाउनै परे अनुमति लिनुपर्ने निर्णय जिल्ला प्रशासन कार्यालय काठमाडौंले गरेको हो । 

सरकारले जेठ १ गतेदेखि शनिबार र आइतबार सार्वजनिक बिदा दिएको छ । इन्धन खपत कम गर्न भन्दै दुई दिन सार्वजनिक बिदा दिइएको हो । सोहीअनुसार यस्तो निर्णय काठमाडौं प्रशासनले गरेको हो । 

जिल्ला प्रशासन कार्यालय सहायक प्रमुख जिल्ला अधिकारी दीपक पौडेलले शनिबार र आइतबारसहित अन्य सार्वजनिक बिदाको दिनमा सरकारी सवारी साधन नलाउन नपाउने निर्णय गरेको बताए । “शनिबार र आइतबार सार्वजनिक बिदा दिइएकाले यी दिनमा सरकारी सवारी चलाउन पाइने छैन । अन्य सार्वजनिक बिदाको दिनमा पनि चलाउन नपाइने निर्णय भएको छ” उनले भने । 

सरकारी सवारी चलाउनै परे स्वीकृति लिनुपर्ने र अनुमति लिएर पनि सही ठाउँमा प्रयोग भए÷नभएको ट्राफिक प्रहरीले हेर्ने र अनुचित प्रयोग गरेको भए कारबाही हुने उनले बताए ।