काठमाडौं । आज राष्ट्रिय कानुन दिवस । विभिन्न कार्यक्रम गरेर मनाइँदै छ ।

दिवसका अवसरमा सर्वोच्च अदालतले सर्वोच्च परिसरमा चियापान कार्यक्रम गर्दै छ । कार्यक्रममा राष्ट्रपति विद्यादेवी भण्डारी जाने कार्यतालिका छ । 

वि.सं. २००९ मा ऐतिहासिक रूपमा नेपालले न्यायालय ऐन जारी गरेको दिन वैशाख २६ गतेलाई कानुन दिवसका रूपमा मनाउने गरिएको छ । दिवसका दिन तीनवटै तहका अदालतहरू जिल्ला, पुनरावेदन र सर्वोच्च अदालतमा बिदा हुने गर्छ ।