काठमाडौं । निर्वाचन आयोगले स्थानीय तह मतदान स्थल र मतदान केन्द्र तोकिएको विद्यालयहरूमा तीन दिन विद्यार्थीको उपस्थिति नगराउन आग्रह गरेको छ ।

निर्वाचन आयोगका सहायक प्रवक्ता सूर्यप्रसाद अर्यालले मतदान व्यवस्थापनमा असहज हुने भएकाले भर्चुअल माध्यमबाट अध्ययन गराउन आग्रह गरिएको बताए ।

उनकाअनुसार वैशाख २८ गतेदेखि ३० गते तीन दिनसम्म मतदानस्थल र केन्द्र तोकिएका विद्यालयमा विद्यार्थी, शिक्षक,कर्मचारी उपस्थित नगराउन आग्रह गरेको हो ।

वैशाख ३० गते स्थानीय तह निर्वाचन हुँदैछ ।