राजनीति
काठमाडौं । सत्तासाझेदार दल नेकपा (माओवादी केन्द्र)को केन्द्रीय कमिटी बैठक सुरु भएको छ । बैठक वत्तिसपुतलिस्थित अनुपम फुडल्याण्डमा बसिरहेको केन्द्रीय कार्यालयका सचिव श्रीराम ढकालले जानकारी दिए ।
यसअघि, आइतबार बिहान ११ बजेका लागि तय गरिएको बैठक आइतबारै दिउँसो २ बजेका लागि सारिएको थियो । तर, नबसी आजका लागि सारिएको हो ।
आजको बैठकमा पदाधिकारीहरूको टुंगो लगाउने विषयमा छलफल हुने नेताहरू बताउँछन् । गएको पुस ११ देखि १३ गतेसम्म भएको पार्टीको आठौँ राष्ट्रिय महाधिवेशन अध्यक्ष बाहेकका पदाधिकारी चयन नै नगरी टुंगिएको थियो ।
माओवादी केन्द्रमा अध्यक्ष, वरिष्ठ उपाध्यक्ष, ६ उपाध्यक्ष, एक महासचिव, दुई उपमहासचिव, तीन सचिव र एक कोषाध्यक्ष रहने व्यवस्था छ ।
प्रकाशित मिति: सोमबार, फागुन २३, २०७८ १२:२९
प्रतिक्रिया दिनुहोस्