काठमाडौं । प्रमुख प्रतिपक्ष दल नेकपा (एमाले)ले बुधबार पनि प्रतिनिधिसभा बैठक सञ्चालनमा अवरोध सिर्जना गरेको छ । बैठक सुरु हुनेबित्तिकै एमाले सांसदले नाराबाजी गरेका हुन् ।

पार्टीले उठाएको माग सभामुखले सम्बोधन नगरेको भन्दै एमालेले विरोध जनाउँदै आएको छ । पार्टीले कारबाही गरेका नेकपा (एकीकृत समाजवादी) मा आबद्ध १४ सांसदहरूको सूची सभामुखले टाँस्नुपर्नेलगायत माग राख्दै निरन्तर प्रतिनिधिसभा बैठक अवरुद्ध पार्दै आएको हो ।

एमालेकै अवरोधबीच यही फागुन १५ गते बसेको प्रतिनिधिसभा बैठकले अमेरिकी सहयोग परियोजना (एमसीसी) सम्झौता व्याख्यात्मक घोषणासहित अनुमोदन गरेको थियो ।