जनकपुरधाम । नेपाली कांग्रेस प्रदेश अधिवेशन अन्तर्गत सभापतिमा दुई जनाको उमेदवारी परेको छ । 

कांग्रेस प्रदेश २ संसदीय दलका नेता तथा भौतिक पूर्वाधार विकासमन्त्री रामसरोज यादव र रौतहट जिल्ला सभापति कृष्ण यादवले सभापतिमा उमेदवारी दर्ता गराएका हुन् । उनीहरूले जनकपुरधामस्थित गोपाल धर्मशाला पुगेर उमेदवारी दर्ता गराएका हुन् ।

रामसरोजलाई नेता विमलेन्द्र निधिको समर्थन छ । कृष्णलाई सभापति शेरबहादुर देउवाको समर्थन छ ।

यद्यपि रामसरोजले कुन गुटबाट रहेको खुलाएका छैनन् । सञ्चारकर्मीको जिज्ञासामा उनले आफूले कांग्रेसबाट उमेदवारी दिएको बताए ।