काठमाडौं । शंकर ग्रुपअन्तर्गतको जगदम्बा मोटर्सले अत्तरियामा एक्स्क्ल्युजिस थ्री एस (सेल्स, सर्भिस एन्ड स्पेयर्स) सुविधासम्पन्न नयाँ शो रुम वागेश्वरी मल्टी मोटर्स सञ्चालनमा ल्याएको छ ।

वागेश्वरी मल्टी मोटर्सका प्रबन्ध निर्देशक प्रेम साउदले अत्यधिक रुचाइएको ब्रान्ड टीभीएसको थ्री एस सुविधासम्पन्न शो रुमबाट टीभीएसका बाइक तथा स्कुटरको खरिदका साथै सर्भिसमा समेत ग्राहकलाई थप सहजता प्रदान गरिने बताए ।

नयाँ शो रुमको उद्घाटनका साथै कम्पनीले युवालक्षित १२५ सीसी श्रेणीअन्तर्गतको अत्याधुनिक फिचर्स सुसज्जित नयाँ मोटरसाइकल टीभीएस रेडर पनि सार्वजनिक गरेको छ ।

टीभीएस रेडर मोटरसाइकल सार्वजनिक कार्यक्रममा चर्चित गायकहरू रामकृष्ण ढकाल, अनिल सिंह, प्रमोद खरेल र बद्री पंगेनी, गायिकाहरू मिलन नेवार र अस्मिता अधिकारी, हास्यकलाकार राजा राजेन्द्र पोखरेल, सन्चारकर्मी नरेश भट्टराई र नीता प्रधानांग, टिकटक स्टार उषा उप्रेतीलगायत सहभागी थिए ।