काठमाडौं । ललितपुर गोदावरीस्थित सिद्धेश्वर महादेव मन्दिरबाट चोरी मूर्ति फेला परेको छ । एक फिट अग्लो ८ इन्च चौडा भएको एक थान बसुन्धराको मूर्ति सोही स्थान नजिक जंगलमा फेला परेको हो ।

उक्त मन्दिरबाट मंसिर १४ गते राति श्रीनारायण र बसुन्धाराको मूर्ति चोरी भएकोमा खोजी गर्ने क्रममा उक्त मूर्ति फेला परेको हो । साथै नारायणको मूर्ति तथा चोरहरूको खोजतलास गर्नुका साथै यस सम्बन्धमा प्रहरीले थप अनुसन्धान गरिरहेको छ ।