काठमाडौं । नेपाल बार एसोसिएसन पदाधिकारीको बैठक जारी छ । प्रधानन्यायाधीश चोलेन्द्रशमशेर जबराको राजीनामा माग गर्दै आन्दोलनरत कानुन व्यवसायीले चौथो चरणको विरोधका कार्यक्रम घोषणा गर्न लागेका हुन् ।

नेपाल बारले घोषणा गरेको तेस्रो चरणको आन्दोलनका कार्यक्रम आज सकिँदै छ । चौथो चरणको आन्दोलनका कार्यक्रम घोषणा गर्न नेपाल बारका पदाधिकारी आकस्मिक बैठकमा जुटेका हुन् ।

बारको कार्यसमितिसँगै सल्लाहकार र सर्वोच्च बारको कार्यसमितिसहित सल्लाकारको बैठक बसेको हो । चौथो चरणको आन्दोलनमा कानुन व्यवसायीहरूले सडकमा निस्कने तयारी गरेका छन् । यस्तै, देशभरका उच्च अदालतमा केही दिनपछि बृहत् सभा गर्ने नेपाल बारको तयारी छ ।