काठमाडौं । नेपाल जुडो संघले बिहीबार विभिन्न कार्यक्रम गरी विश्व जुडो दिवस मनाएको छ । 

जुडो संघले नयाँ बजारको खुसीबुँस्थित बहुउद्देश्यीय मार्सल आर्ट केन्द्र (एमएमएसी ) मा कार्यक्रम आयोजना गरेको थियो । त्यहाँ एमएमएसी, बन्दी सहायता गृह (पाम) र नेपाली सेनाको क्लोज प्रोटेक्सनका खेलाडीहरुले प्रदर्शनी खेल प्रस्तुत गरेका थिए ।

नेपाल जुडो संघसँग आबद्ध विभिन्न जिल्ला र क्लबले पनि कार्यक्रम आयोजना गरी विश्व जुडो दिवस मनाएको महासचिव धर्मकुमार श्रेष्ठले बताए ।

अक्टोबर २८ तारिखका दिन अन्तर्राष्ट्रिय जुडो महासंघ (आईएसजेएफ) मा आबद्ध करिब २०५ देशमा कार्यक्रम गरी विश्व जुडो दिवस मनाउदै आएका छन् ।