काठमाडौं । प्रदेश नम्बर–१ मा नेकपा (एमाले)का तर्फबाट पनि आजको प्रदेशसभा बैठक स्थगित गर्न माग गर्दै निवेदन दर्ता गराइएको छ ।

एमालेले आउँदो १५ गते बैठक राख्न माग गर्दै प्रदेशसभा सचिवालयमा निवेदन दर्ता गराएको हो ।

प्रदेशसभा सचिवालयले दुई दलको तर्फबाट निवेदन दर्ता गराइएको जानकारी दिएको छ ।

सभामुख प्रदीपकुमार भण्डारीले आजको बैठक के गर्ने र कहिले तोक्ने भन्ने विषयमा छलफल सुरु गरेका छन् । आजको बैठकमा मुख्यमन्त्री भीम आचार्यले विश्वासको मत लिने कार्यसूची छ ।

यसअघि, नेपाली कांग्रेसले बैठक रोक्न माग गर्दै प्रदेशसभा सचिवालयमा निवेदन दर्ता गराएको थियो ।