काठमाडौं । नेपालका लागि स्कोडाको आधिकारिक विक्रेता एमएडब्लु इन्टरप्राइजेजले एकै दिन ७५ वटा नयाँ स्कोडा कुशाक डेलिभरी दिएको छ । एमएडब्लुले डा. समिरमणि दिक्षित, शिक्षित भट्ट, अभिनेता अनुपविक्रम शाही र भ्लगर सिसन बानियाँसहित ७५ जनालाई नयाँ स्कोडा कुशाक डेलिभरी दिएको हो ।

स्कोडा कुशाक दुई साताअघि नेपालमा सार्वजनिक गरिएको थियो । सुरुवाती मूल्य ४९ लाख ९० हजार रुपैयाँ कायम गरिएको नयाँ कुशाकको टेस्ट ड्राइभ तथा बुकिङ देशभर रहेका स्कोडा सोरुमबाट गर्न सकिने कम्पनीले जनाएको छ ।

"स्कोडा कुशाकबाट हामी धेरै राम्रो प्रतिक्रिया पाएका छौँ । आजको मितिसम्म हामीसँग १ सय ५३ भन्दा बढी बुकिङ छन्,” स्कोडा एमएडब्लुका कार्यकारी निर्देशक रौनक अग्रवालले भने ।

रोबस्ट र मस्कुलर देखिने कुशाकको इन्टेरियर सुन्दरता र आधुनिकताको सम्मीश्रण रहेको जनाइएको छ ।

यो गाडि ५.९९ प्रतिशत ब्याजदरमा पाँच वर्षको भाकामा खरिद गर्न सकिने पनि कम्पनीले जनाएको छ ।

नेपाली बजारमा कुशकको मूल्य ४९ लाख ९० हजारदेखि ६५ लाख ९० हजार रुपैयाँसम्म रहेको कम्पनीले जनाएको छ ।