काठमाडौं । कोपा अमेरिका विजेता अर्जेन्टिना र युरोकप फुटबल विजेता इटालीबीच मैत्रीपूर्ण खेलको प्रस्ताव गरिएको छ ।

कोन्मेबोल र यूईएफएले अर्जेन्टिनाका लिजेन्ड डियागो म्याराडोनाको सम्झनामा मैत्रीपूर्ण खेल गर्ने प्रस्ताव गरिएको हो । कोन्मेबोलले म्याराडोना सुपर लिग गर्ने तयारी गरेको बताइएको छ । बार्सा ब्लाग्रेन्सले दुई टोलीबीच खेल हुने जनाएको छ ।

इटालीले युरोकप फुटबलको फाइनल खेलमा इंग्ल्यान्डलाई पेनाल्टी सुटआउटमा ३–२ ले पराजित गरेको थियो । अर्जेन्टिनाले कोपा अमेरिकाको फाइनलमा ब्राजिललाई १–० ले हराउँदै उपाधि जितेको थियो ।