काठमाडौं । डेरी उद्योग संघले दुध तथा दुग्धजन्य पदार्थ ढुवानी गर्ने सवारी साधनलाई सहज गर्न माग गरेको छ । संघले दुध तथा दुग्धजन्य पदार्थ दैनिक अत्यावश्यक एवम् चाँडै बिग्रने संवेदनशील पदार्थ भएकाले यस्ता पदार्थ ढुवानीमा जोरबिजोर व्यवस्था लागु नगर्न आग्रह गरेको छ ।

डेलिभरी भ्यानलाई जोरबिजोर र कार्यालय समयको नाममा ठाउँ ठाउँमा प्रहरीले अवरोध गरेको भन्दै ध्यानाकर्षण पनि गराएको छ ।

दुध तथा दुग्धजन्य पदार्थ बोकेका सवारी साधनलाई पानी, इन्धन, विद्युतका गाडी सरह कुनै रोकतोक नगर्न संघले आग्रह गरेको छ ।