काठमाडौं । काठमाडौं उपत्यकामा पछिल्लो २४ घण्टामा कोभिड–१९ का ६५३ संक्रमित थपिएका छन् । आज काठमाडौंमा ४८३, भक्तपुरमा ५८ र ललितपुरमा ११२ जना नयाँ संक्रमित थपिएका हुन् ।

नेपालमा हाल कोरोनाका सक्रिय संक्रमितको संख्या ६८ हजार ९५५ रहेको स्वास्थ्य तथा जनसंख्या मन्त्रालयले आइतबार जनाएको छ ।

देशभर हाल ६४ हजार ७४४ जना होम आइसोलेसन, पाँच हजार २११ जना संस्थागत आइसोलेसन, एक हजार १०० जना आईसीयू तथा ३४७  जना भेन्टिलेटरमा उपचाररत रहेका जनाइएको छ ।