बाह्रखरी
भर्खरै
Ncell inner sticky
साहित्य र कला प्रतिक्रिया दिनुहोस्
Jagadamba Group
Jagadamba Group
कलाकार मदनकृष्ण फेरि अस्पताल भर्ना
KNP nepal
KNP nepal
वर्षा महर्जन
बाह्रखरी - वर्षा महर्जन बुधबार, वैशाख २२, २०७८
Laxmi Bank
Laxmi Bank

काठमाडौं । कलाकार मदनकृष्ण श्रेष्ठलाई फेरि अस्पताल भर्ना गरिएको छ । अक्सिजन लेवलमा कमी आएपछि उनलाई पुनः अस्पताल लगिएको हो ।

आठ दिन अस्पतालमा उपचारपछि गएको आइतबार मात्रै घर फर्किएका उनलाई भोलिपल्टै फेरि अस्पताल लगिएको उनकी छोरी सराना श्रेष्ठले बताइन् ।

“बुवा डिस्चार्ज भएर घरमा एक रात मात्रै बस्नुभयो,” उनले भनिन्, “अक्सिजन लेवल ८४ मा झरेपछि भोलिपल्ट नै फेरि अस्पताल लग्नुपर्‍यो र अब अझै केही दिन अस्पतालमा राखेर उपचारमा बस्नुहुन्छ ।”

Duber nepal

Agani Group

मदनकृष्णलाई दोस्रोपटक अस्पताल भर्ना गराउन खोज्दा आफूहरुले समस्या भोगेको उनले सुनाइन् । “बुवालाई दोस्रोपटक अस्पताल भर्ना गराउन निकै गाह्रो भयो । हामीले एम्बुलेन्सलाई बिहान १०ः३० तिर फोन गरेका थियौँ, आउँदा ३ः३० भइसकेको थियो,” उनी भन्छिन्, “कारण, बेड मिलाउन त्यत्रो समय लागेछ । कति ठाउँमा कुरा गर्दा बल्ल मिल्यो । बुवाको लागि त बेड मिलाउन यस्तो गाह्रो भयो भने बाँकी सर्वसाधारण अनि विपन्न वर्गका लागि झन् कस्तो गाह्रो भइरहेको होला, सम्झेरै डर लाग्छ ।”

कलाकार श्रेष्ठको छातीमा सामान्य इन्फेक्सन देखिएकाले चिकित्सकले केही दिन अस्पतालमै राखेर उपचार गर्ने निर्णय लिएको सरानाले जानकारी दिइन् । परिवारका बाँकी सदस्य छोरा यमन, बुहारी रिंकु र छोरी सरानाको स्वास्थ्यमा भने पहिलेभन्दा धेरै सुधार भइसकेको उनले बताइन् ।

“बुवाबाहेक हामी सबैलाई अहिले धेरै निको भइसकेको छ । दोस्रो परीक्षण पनि गराउने सोचमा थियौँ । तर, बीचमै बुवालाई फेरि अस्पताल लग्नुपर्‍यो । त्यसैले अब केही दिनमा मात्रै दोस्रो परीक्षण गराउँछौँ । सम्भवतः मचाहिँ बुवालाई निको भएपछि मात्रै गराउने सोचिरहेको छु,” उनले भनिन् ।

“कोरोनासँग फाइट गर्न साह्रै गाह्रो हुनेरहेछ,” उनले थपिन्, “यसले कसैलाई पनि छोड्दैन । त्यसैले सबैजना सुरक्षित हुनुहोला ।”

जटिल परिस्थितिमा साथ दिने सबैप्रति उनले आभार व्यक्त गरिन् । “यस्तो समयमा पनि हामीलाई खानेकुरा ल्याइदिएर हुन्छ कि, फोनमार्फत सन्चो/बिसन्चो सोधेर हुन्छ कि, छरछिमेकी, साथीभाइ, आफन्तहरुले यति धेरै माया दिनुभएको देखेर एकदमै भावुक हुन्छु म त । हामीले यति धेरै माया पाउनुको कारण भनेकै बुवा नै हो ।”

मदनकृष्ण हाल ललितपुरस्थित मेडिसिटी अस्पतालमा अक्सिजनको सपोर्टमा छन् । यद्यपि, उनको स्वास्थ्य अवस्थामा क्रमिक सुधार भइरहेको सरानाले बताइन् ।

पूरै परिवारलाई नै कोरोना संक्रमण भएको मदनकृष्णले वैशाख ६ गते सामाजिक सञ्जालमार्फत सार्वजनिक गरेका थिए । उनीहरु होम आइसोलेसनमा थिए । तर, छातीमा सामान्य समस्या देखिएपछि उनलाई पहिलोपटक वैशाख १० गते मेडिसिटी अस्पताल लगिएको थियो । आठ दिनको उपचारपछि उनी घर फर्किएका थिए ।

Nepal Investment bank
Nepal Investment bank
बुधबार, वैशाख २२, २०७८ मा प्रकाशित
TATA Landing
TATA Landing
प्रतिक्रिया दिनुहोस्