काठमाडौं । इन्डियन प्रिमियर लिग (आईपीएल) टी–ट्वान्टी क्रिकेटअन्तर्गत आज (बिहीबार) दिल्ली क्यापिटल्सले कोलकाता नाइट राइडर्ससँग खेल्दै छ । नरेन्द्र मोदी क्रिकेट स्टेडियममा हुने दुई टोलीबीचको खेल नेपाली समयानुसार साँझ ७ः४५ मा सुरु हुनेछ ।

दिल्ली आजको खेलमा फराकिलो जित निकाल्दै तालिको शीर्ष स्थानमा उक्लने योजनामा छ । दिल्ली ६ खेलबाट ८ अंक जोडेर तालिकाको तेस्रो स्थानमा छ । रिषव पन्तको कप्तानीमा रहेको दिल्लीले ६ मध्ये चार खेलमा जित हासिल गरेको छ ।

लिगमा ६ खेल खेलेको कोलकाताले ४ अंक जोडेको छ । आजको खेलमा जित निकाल्न सकेमा कोलकाता तालिकाको चौथो स्थानमा उक्लनेछ ।