देश
काठमाडौं । चौबीस घण्टामा कोरोनाका कारण मृत्यु हुनेको संख्या शून्य छ । यसअघि सोमबारसम्म नेपालमा कोरोनाका कारण मृत्यु हुनेको संख्या दुई हजार ५५ पुगेको थियो ।
विगत चौबीस घण्टामा तीन हजार ३६० जनाको पीसीआर परीक्षण गरिएकामा १०५ जनाको नतिजा पोजेटिभ आएको छ । योसँगै नेपालमा कोरोना संक्रमितको संख्या दुई लाख ७२ हजार ९४५ पुगेको छ । त्यस्तै चौबीस घण्टामा ९९ जना संक्रमणमुक्त भएका छन् योसँगै देशमा कोरोनामुक्त हुनेको संख्या २ लाख ६९ हजार ३०३ पुगेको छ ।
हाल क्वारेन्टिनमा ७४ जना छन् भने आइसोलेसनमा एक हजार ५८७ जना रहेको स्वास्थ्य तथा जनसंख्या मन्त्रालयले जनाएको छ ।
प्रकाशित मिति: मंगलबार, फागुन ४, २०७७ १६:२३
प्रतिक्रिया दिनुहोस्