काठमाडौं । सनराइज बैंकको प्रमुख कार्यकारी अधिकृतमा सुमन शर्मा नियुक्त भएका छन् । आज बसेको सञ्चालक समितिको बैठकले शर्मालाई सीईओ नियुक्त गरेको एक सञ्चालककले जानकारी दिए ।

सञ्चालक समितिको विवादमा आफू पनि विवादित भएपछि जनक शर्मा पौडेलले माघ २७ गते (मंगलबार) मात्रै बैंकको सीईओबाट राजीनामा दिएका थिए । मंगलबारै सञ्चालक समितिको बैठक बसेर शर्माको राजीनामा स्वीकृत भएको थियो । 

बैंकको नवनियुक्त प्रमुख कार्यकारी अधिकृत शर्मा यसअघि माछापुच्छ्रे बैंकको नेतृत्व गरिसकेको छन् । माछापुच्छ्रे बैंकबाट बाहिरिएको करिब एक वर्षपछि शर्मा सनराइज बैंकको सीईओ नियुक्त भएका छन् ।

२०७६ फागुन २८ गते शर्मा माछापुच्छ्रे बैंकबाट बाहिरिएका थिए । शर्मासँग विभिन्न बैंकमा रहेर करिब २२ वर्ष काम गरेको अनुभव छ । माछापुच्छ्रे बैंकको सीईओ हुनुअघि शर्मा ग्लोबल आईएमई बैंकमा थिए । त्यसघि उनी माछापुच्छ्रे बैंककै नायब प्रमुख कार्यकारी अधिकृत थिए ।

बैंकले यसै साता आरती राणालाई नायब प्रमुख कार्यकारी अधिकृतमा बढुवा गरेको थियो ।