site stats
बाह्रखरी :: Baahrakhari
सम्पादकीय
Global Ime bankGlobal Ime bank

देशमा बहुसंख्यक जनताले आफ्नो नठान्ने राष्ट्र नाममात्रको हुन्छ । मोरङ बुढीगंगा –२ मा एउटा गाउँमा मुसहर समुदायमाथि गरिएको आक्रमणमा प्रहरीको उदासीनताको समाचारसँगै यस्तै प्रकृतिका केही घटनाको विश्लेषण गर्ने हो भने स्थिति भयावह हुने संकेत देखिन्छ । आक्रमणपछिको प्रहरी उदासीनताबाट आत्तिएर पीडित मुसहर परिवारको युवतीले आत्महत्या नै गरिन् । यसको केही पहिले चितवनका राजकुमार प्रजा सुरक्षाकर्मीको कुटाइबाट मारिएका थिए । झापाको कमल गाउँपालिका – ५ का सुकुमवासी बस्तीमा हात्ती पसेर विध्वंश गर्दा नजिकै रहेको सशस्त्र प्रहरीले बेवास्ता गर्दा एक जनाको ज्यान गयो । ती सुकुमवासीहरूको घर सशस्त्र प्रहरीले नै फागुनको अन्तिम साता भत्काइदिएको रहेछ । त्यसपछि पालमा बस्दै आएका सुकुमवासी बस्तीमा हात्तीले आक्रमण गर्दा एक जनाको मृत्यु भएको छ । सशस्त्र प्रहरीले मद्दत गरेको भए पीडितलाई हात्तीले मार्न सक्ने थिएन भन्ने मृतकका आफन्तको गुनासो छ ।

यस्ता घटनालाई सुरक्षा निकायले भवितव्य र सम्बन्धित कर्मचारीको दोषका रूपमा अथ्र्याउने गरेको पाइन्छ । यो प्रवृत्ति राणाकालदेखि नै दोष जति जनताको भनेर आफ्ना कर्मचारी र त्यसमा पनि सुरक्षाकर्मीको खतबात माफ गर्ने चलनकै निरन्तरता हो । अधिकांश घटनामा सुरक्षाकर्मीको ज्यादती पनि निमुखा र पछाडि पारिएका तथा आर्थिकरूपमा विपन्न परिवारका सदस्यले सहनु परेको देखिन्छ । मोरङको घटनामा बाहिरका गुन्डा बोलाएर मुसहरहरूको गाउँमाथि नै आक्रमण गराउनेहरूलाई प्रहरीले पक्रेपछि पनि कारबाही नगरी छाडिदिएको गुनासो पीडितहरूले गरेका छन् । उनीहरूलाई आफू गरिब र दलित भएकैले प्रहरीले बेवास्ता गरेको भन्ने परेको छ । आक्रमणकारीको आतंकले आत्महत्या गर्ने युवतीको मृत्युलाई पीडित समुदायले ‘राज्यले गरेको हत्या’ ठानेका छन् । 

चितवनमा राष्ट्रिय निकुञ्ज क्षेत्रभित्र घुँगी टिप्न गएकै निहुँमा कुटपिट गरिएका राजकुमार पनि पिछडिएको समुदाय मानिने चेपाङ हुन् । हात्तीको प्रकोपमा मारिएका सुकुमवासीले पनि राज्यले आफूसँग अन्याय नै गर्छ भन्ने ठान्छन् । देशका बहुसंख्यक नागरिकले नै बिरानो ठान्ने अवस्था उत्पन्न हुने हो भने राज्य त्रूmर उपहासमात्र हुनपुग्छ । लोकतन्त्रमा राज्यलाई यसरी बहुसंख्यक जनताको नजरबाट गिराउनु हुँदैन । यसैले सुरक्षा निकायले भित्रैबाट जनताको जिउधन रक्षा र सम्मान गर्ने कर्तव्य पूरा नगर्ने आफ्ना सदस्यलाई निर्मम कारबाही गरेर आफू नेपाली जनताको सेवक भएको सन्देश प्रवाह गर्नुपर्छ । सरकारले यस्ता घटनामा विभागीय कारबाहीमात्र हैन प्रचलित कानुनबमोजिम सजाय सजाय गराउने नीति अपनाउनुपर्छ । जनताको हृदयमा नबसेको राष्ट्र खोक्रो हुन्छ ।  
 

Laminar Tiles Banner adLaminar Tiles Banner ad
प्रकाशित मिति: शनिबार, साउन २४, २०७७  १५:००
worldlinkworldlink
प्रतिक्रिया दिनुहोस्
Kitchen Concept AdvertisementKitchen Concept Advertisement
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
Hamro patroHamro patro