एजेन्सी । वायर्न म्युनिख च्याम्पियन्स लिग फुटबलको अन्तिम १६ मा प्रवेश गरेको छ । बुधबार राति भएको खेलमा जर्मन क्लब वयार्नले ओलम्पिकोसलाई २–० गोल अन्तरले पराजित गर्दै अन्तिम १६ मा स्थान बनाउन सफल भएको हो । घरेलु मैदानमा खेलको वयार्नलाई जित दिलाउन रोबर्टो लेवान्डोस्की र इभान पेरिसिचले एक एक गोल गरे ।

खेलको ६९ औँ मिनेटमा रोबर्टो लेवान्डोस्कीले गोल गर्दै वायर्नलाई सुरुआती अग्रता दिलाएका थिए । त्यसपछि खेलको ८९ औँ मिनेटमा इभान पेरिसिचले गोल गर्दै वायर्नलाई २–० को जित दिलाए । जितसँगै समूह ‘बी’ को वायर्नले चार खेलमा १२ अंक जोड्दै अन्तिम १६ मा स्थान बनाएको छ । पराजित ओलम्पिकाओस १ अंक जोडेको पुछारमा रहेको छ ।