काठमाडौं । सामसङ नेपालले काठमाडौंको न्युरोडस्थित ताम्राकार कम्प्लेक्सको तेश्रो तलामा आफ्नो आधिकारिक सर्भिस सेन्टर शुभारम्भ गरेको छ । कम्प्लेक्सको तेस्रो तलामा स्थान्तरित नयाँ सर्भिस सेन्टर पहिले कम्प्लेक्सको चौथो तलामा थियो ।
सेन्टर शुभारम्भ कार्यक्रममा सामसङ नेपालका उपाध्यक्ष वाई वि वन र आइएम एसका प्रेशिडेन्ट दिपक मलोहत्रा, आई एम हेड प्रणयरत्न स्थापित, सामसङ नेपाल सर्भिस प्रमुख राजन भट्टराई र आई एमएस केयरका सर्भिस मेनेजर कुणाल गुरुङ्ग लगायतका उपस्थित भएका थिए ।
सेन्टरमा सर्भिस सेन्टर ५ बाट १० काउन्टर सम्म वृद्घी गरिएको छ । यसका साथ साथै तेश्रो र चौथो तल्लामा भि आई पि कस्टमर (फ्लेगसिप फोन) को लागि छुटै काउन्टरको व्यवस्था गरिएको छ । यसअघि कम्पनीले काठमाडौं उपत्यका भित्र (सुन्धारा, कमलादी, बालाजु) ललितपुरको जावलाखेल, भक्तपुरको सुर्यविनायक तथा उपत्यका बाहिर पोखरा, नारायणगढ, इटहरी, विरगञ्ज, नेपालगञ्ज, विराटनगर, बुटबल, विर्तामोड, हेटौडा, धनगढी, जनकपुर, दाङ्ग र दमौलीमा आफ्नो आधिकारिक सर्भिस सेन्टरहरु खोलिसकेको छ ।