काठमाडौं । १२खरी बुक्सले आयोजना गरेको राष्ट्रव्यापी खुला कथा प्रतियोगिताको नतिजा सार्वजनिक गरिएको छ । शुक्रबार एक कार्यक्रमकाबीच सार्वजनिक गरिएको नतिजा अनुसार प्रतियोगितामा सहभागी ४४५ कथामध्येबाट बीना थिङ तामाङ प्रथम भएकी हुन् । 

प्रतियोगितामा सहभागी ४४५ कथामध्येबाट तामाङकृत ‘ब्याड भाले' प्रतियोगिताको सर्वोत्कृष्ट (प्रथम) कथा बनेको हो । तामाङले एक लाख रुपैयाँ नगद पुरस्कारका अतिरिक्त शिल्ड र प्रमाणपत्र हात पारेकी छन् । लक्ष्मण वियोगीको कथा टाउको दोश्रो र सुमित्रा न्यौपानेको कथा बार्दली तेश्रो भएको छ । प्रतियोगिताका लागि झण्डै नौ सय कथा प्राप्त भएको थियो । त्यसमध्ये ४४५ कथा मापदण्डभित्र परेका थिए ।

तस्बिरः जीवन भट्टराई र सौरभ रानाभाट