काठमाडौं । बिग बास लिगको फाइनलमा नेपाली युवा बलर सन्दीप लामिछाने सम्मीलित  टिम मेलबर्न स्टार्सलाई मेलबर्न रेनेगेट्सले १४६ रनको लक्ष्य प्रस्तुत गरेको छ । 
मेलबर्नमा जारी खेलमा टस हारेर पहिले व्याटिङ गरेको मेलबर्न रेनेगेट्सले निर्धारित २० ओभरमा ५ विकेटको क्षतिमा १४५ रन बनायो । मेलबर्न रेनेगेट्सका लागि टम कुपरले ४३ रन र डेनियल क्रिसीयनले ३८ रन बनाएपनि अरु व्याट्सम्यानले खासै राम्रो प्रदर्शन गर्न सकेनन् । 
बिग बास लिगमा दोस्रो पटक फाइनलमा पुगेको मेलबर्नबाट फाइनलमा सन्दीप लामिछाने भने विकेट लिन सफल भएनन् । उनले ४ ओभरमा १६ रन खर्चेर कसिलो बलिङ गरेपनि विकेट हात पार्न सकेनन् । सेमीफाइनलमा पनि सन्दीप विकेटविहीन भएका थिए ।