site stats
बाह्रखरी :: Baahrakhari
खेल
Global Ime bankGlobal Ime bank
वाग्मतीको जितमा दीपेशको दुई गोल

काठमाडौं । दीपेश राईको दुई गोलप्रेरित सर्लाहीको वाग्मती युवा क्लबले बाजुराको रानीवन स्पोर्ट्स एकेडेमीविरुद्ध ३–१ को जित निकालेको छ ।

शुक्रबार सातदोबाटोस्थित एन्फा मुख्यालयमा सम्पन्न सहिद स्मारक ‘सी’ डिभिजन लिगमा वाग्मतीलाई जित दिलाउन दीपेश राईले दुई गोल गरे । यस्तै, अर्को एक गोल शृंजनराज गौतमले गरे । रानीवनका विष्णु चौधरीले एक गोल फर्काए ।

खेलको पहिलो हाफ गोलरहित बराबरीमा सकिए पनि ४८औँ मिनेटमा दीपेशको गोलमा वाग्मतीले अग्रता बनाएको थियो । ८०औँ मिनेटमा दीपेशले नै वाग्मतीको अग्रता दोब्बर बनाए । त्यसको दुई मिनेटपछि विष्णुले गोल गर्दै रानीवनलाई खेलमा फर्काउने प्रयास गरेका थिए । तर, इन्जुरी समयमा शृंजनले गोल गरेपछि वाग्मतीले ३–१ को जित सुनिश्चित गरेको हो ।

जितसँगै सात खेलबाट १६ अंक जोडेको वाग्मती तालिकाको शीर्ष स्थानमा उक्लिएको छ । समान खेलबाट १६ अंक नै जोडेको भए पनि आरसी–३२ गोलआधारमा वाग्मतीभन्दा पछि छ ।

वाग्मतीसँगको हारबाट रानीवनले भने रेलिगेशन क्षेत्रको गोलबजारसँग अंक दूरी बढाउने अवसर गुमाएको छ । सात खेलबाट ६ अंक जोडेको रानीवन तालिकाको १२औँ स्थानमा छ । जुन रेलिगेशन क्षेत्रमा रहेको गोलबजारको भन्दा एक अंकमात्र धेरै हो ।

 

प्रकाशित मिति: शुक्रबार, वैशाख २८, २०८१  १७:१२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro