काठमाडौं । अंग्रेजी नयाँ वर्ष अर्थात् जनवरी १ तारिखमा नेपाली टोपी दिवस मनाइएको छ । ‘नेपाली टोपी हाम्रो गौरव, हाम्रो पहिचान’ भन्ने नाराका साथ टोपी दिवस मनाइएको हो । 
पहिलोपटक २०६८ सालमा सामाजिक सञ्जाल फेसबुकबाट सुरु भएको यो अभियान अहिले स्वतःस्फूर्त अगाडि बढ्दै दिवसकै रुपमा मनाउन थालिएको छ । दोस्रो जनआन्दोलन अघिसम्म राष्ट्रिय पोशाकका रुपमा दौरासुरुवाल र टोपी रहेको भएपनि त्यसपछिका समयमा राष्ट्रिय पोशाक खारेज गरिएपछि यसको अस्तित्व जोगाउनकै लागि भए पनि नेपाली टोपी दिवस मनाउनुपर्नेमा अभियन्ताहरुको जोड रहेको छ ।
आज बिहान काठमाडौंको माइतीघरमा भेला भएका अभियन्ताहरुले नेपालीको पहिचान जोगाउन पनि नेपाली टोपीको संरक्षण जरुरी रहेकोमा जोड दिए ।