site stats
बाह्रखरी :: Baahrakhari
साहित्य
Nabil BankNabil Bank
म तिमीजस्तो हुन सक्दिनँ
Sarbottam CementSarbottam Cement

तिमी जहाँ राख्यो त्यहीँ बसिरहन्छौ, 
बाटोछेउ, घरको कुना, चोक, गल्ली जहाँ पनि 
बसिरहन्छौ, चुपचाप चुपचाप ।

घाम, झरी, असिना, हुरी, हिउँ–तुसारो, दिन अनि रात 
कुनै पर्वाह छैन, सबै सहिरहन्छौ     
किनकि, तिमीमा सहने शक्ति छ ।

कैयौँ दिन भोकै राखे पनि भोजन माग्दैनौ,
बत्ती नबाले पनि अँध्यारो भो भन्दैनौ,
फूलैफूलले छोपिदिँदा अनि अगरबत्तीको धुवाँले भरिदिँदा
अहँ ! पटक्कै निस्सासिँदैनौ ।

Prabhu Bank
Agni Group
NIC Asia

मुस्कुराइरहन्छौ मन्द–मन्द 
किनकि, तिमी कुनै कुशल कलाकारको सुन्दर कलाकृतिमा अंकित छौ !
श्रद्धा–सम्मान गरून् कोही,
घृणा–तिरस्कार गरून् कोही, 
बाटोछेउको ढुंगामा समाहित तिमी    
यात्रुले लत्याउँदा पनि रिसाउँदैनौ, 
भक्तले पुज्दा पनि अहम् गर्दैनौ, 
स्थिर रहन्छौ सदा शान्त अनि सौम्य ।

तिम्रा आँखासामु अपराधीहरू स्वतन्त्र हिँडिदिन्छन्, 
भ्रष्टाचारीहरू निर्दोषीको अभिनय गरिरहन्छन्,
निर्धा–निमुखाहरूमाथि दुष्टहरूले दाह्रा धसिरहन्छन् 
तर पनि तिमी बोल्दैनौ ! कति महान् छौ तिमी !
तर, म तिमीजस्तो महान् हुन सक्दिनँ ! 
म अन्याय पटक्कै सहन सक्दिनँ !

Global Ime bank

देवी बनाएर पहिला शिरमा चढाउने 
अनि दासीतुल्य फेरि पैतालाले दबाउने 
सफल नाटककारको म विरोध गर्दछु !

प्रतिष्ठाको खोल ओढेर अर्काको अस्मितामाथि खेलबाड गर्ने 
कथित महापुरुषलाई म सम्मानको माला पहिर्याउन सक्दिनँ ! 

परम्परा र संस्कृतिको नाममा 
आफ्नो आँगनमा आफ्नै सन्तानको बलि दिएको 
टुलुटुलु हेरेर बस्न पनि सक्दिनँ म तिमीजस्तो !

अपराध र व्यभिचारले रंगिएको भेटी
चुपचाप स्वीकार गरेर 
तिनलाई उन्मुक्तिको वरदान दिन सक्दिनँ म !

त्यसैले म आलोचित छु, तिमी आलोचनारहित सर्वमान्य छौ !
तिमी पीडामा रुँदैनौ, खुसीमा हाँस्दैनौ 
अन्यायमा बोल्दैनौ, अत्याचारको विरोध गर्दैनौ, 
जहाँ जे भए पनि चुपचाप हेरिरहन्छौ,
त्यसैले त तिमी भगवान् हौ !
तर, म तिमीजस्तो हुन सक्दिनँ !

मलाई अधिकार चाहिन्छ, स्वाभिमान चाहिन्छ, 
अन्याय र असत्यका विरुद्ध विद्रोह बर्साउँछु,
त्यसैले त म सदा शंकटग्रस्त हुन्छु,
किनकि, म तिमीजस्तो देवता होइन, फगत मान्छे हुँ !
 

NIBLNIBL
प्रकाशित मिति: शनिबार, माघ २८, २०७९  ०६:५६
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC