उही त हो, गीतसंगीतमै हो । एनएमसीमा पढाउँछु । विज्ञापनहरू गर्छु । यस्तै छ । 

यो सालको दसैंलाई लक्षित गरेर दसैं गीतको काम गरिरहेकी छु । भुपेन्द्र खड्काको शब्द र आफ्नै कम्पोजमा गीत तयार भइरहेको छ । 

त्यस्तैजस्तो भइरहेको छ । 

मास्टर भर्खरै सकें । त्यो भएर पनि केही कम भएको हो । अहिले भने फेरि गीतको काम सुरु गरिसकेको छु । बीचमा टेलिभिजनमा समाचारमा पनि काम गरें । त्यही भएर पनि केही कम भए जस्तो लागेको हुनसक्छ । 

धेरै मेहनत गर्नु नपर्ने भएर होला सायद (हाहा...।) 

पक्कै पनि सजिलो हुन्छ । स्टुडियोमा बुबाआमाको नाम लिँदा सजिलो हुन्छ । गीत रेकर्ड गर्न केही सस्तो पनि हुन्छ । 

केही हदसम्म त बुबाआमाको फिगरका कारण पनि सजिलो भयो, यसमा लजाउनुपर्ने कुनै कारण छैन । तर, अहिले हामी जहाँ छौं, त्यो हाम्रो मेहनत र परिश्रमको कारण हो । सुरुमै बुबाआमाले हाम्रो दुइटी छोरी छन् भन्नुहुन्थ्यो अन्तर्वार्ताहरुमा, त्यसैले सबैले हामीलाई चिन्थे । तर, फ्यान फलोइङ बनाउन त आफैंले मेहनत गर्नुपर्छ । त्यो हामीले गरेका पनि छौं । अब बुझ्दै नबुझी आलोचना गर्नेहरुलाई त के नै भन्न सकिन्छ र ।

धेरैले भन्नुहुन्छ मेरो चलचित्रमा काम गर्नुपर्छ भनेर । तर, यत्तिकै भन्नुहुन्छ या साँच्चै त्यो भने मलाई पनि थाहा छैन । 

खेल्दिनँ । चलचित्रमा भने म अभिनय गर्दिनँ । आफ्नै गीतमा अभिनय गरे पनि चलचित्रमा भने कहिल्यै पनि गर्दिनँ ।

मेरो डिग्री बिजनेस एडमिष्ट्रेसनमा हो । त्यसैले म त्यही क्षेत्रमै काम गर्थें होला । 

ममात्रै होइन, मेरो साथीहरु पनि ‘जब’ गरिरहेका हुन्छन् । मेरो ब्यान्ड छ । हप्तामा तीन/चार पटक कुनै न कुनै कार्यक्रममा सहभागी भइरहेका हुन्छौं । मेरो मुख्य आयस्रोत नै गायन नै भइरहेको छ । राम्रो गर्न सक्यो भने गायन क्षेत्रमै लागेर जीवन यापन गर्न सकिन्छ । धेरैले गरिरहनु पनि भएको छ । मेरो बुबाआमा नै यसको प्रत्यक्ष उदाहरण हुनुहुन्छ ।

राम्रो पक्ष भनेको हाम्रो संगीतमा विविधता छ । बच्चैदेखि राम्रो गाउनेहरु धेरै हुनुहुन्छ । यो सांगीतिक वातावरणको प्रभाव हो । नराम्रो पक्ष भनेको पैसासँग संगीत साटिनु हो । अहिले गीत धनीले मात्रै गाउने हो कि जस्तो हुन थालेको छ । एउटै गीत र भिडियो गर्न मोटो रकम खर्चिनुपर्ने भएको छ । यसले कला भएका तर पैसा नभएकाले गीत गाउन नसक्ने अवस्था आएको छ । यो अवस्था आउनु राम्रो होइन । 

पाउनुपर्ने हो भन्नुहुन्छ सबैले तर, आजसम्म मैले रोयल्टी पाएको छु जस्तो लाग्दैन । पाउनुपर्ने त हो । धेरै कलाकारहरु लागिरहनु भएको छ । तर, अझैसम्म पनि सन्तोषजनक उपलब्धि हात लाग्न सकेको छैन । आशा गरौं, राम्रो हुन्छ । रेडियो, टिभीबाट बजेटअनुसार रोयल्टी पाउने हो भने कलाकारलाई समस्या हुँदैन । 

स्रोताले राम्रो गीतमात्रै सुन्दिनुपर्छ । जस्तो गीत पनि सुन्ने र मन पराउने गर्नु हुँदैन । नराम्रो गीत पनि मन पराइदिएपछि त्यसलाई फलो गर्नेहरु बढ्छन् र यसकै बाहुल्य हुन्छ ।