काठमाडौं । सरकारले सूचना प्रविधिको नीतिलाई सहज बनाउनुपर्ने मदन भण्डारी विश्वविद्यालयका प्राध्यापक सुरेश मानन्धरले बताएका छन् । शनिबार बाह्रखरी मिडियाले आयोजना गरेको ‘एनसेल बाह्रखरी गल्फ तथा आर्थिक परिसंवाद’ कार्यक्रममा कांग्रेस महामन्त्री गगन थापाको कार्यपत्रमा टिप्पणी गर्दै उनले एआई नीति चाहिने बताए ।

डाटा सेन्टर, क्लाउड सेन्टर आवश्यकता रहेको भन्दै उनले सरकारसँग क्षमता विस्तारको लागि लाग्नुपर्ने बताए । नेपालको आईटी सेक्टरमा स्किल ग्याप रहेको मानन्धरले बताए ।

आईटी एआई इकोसिस्टम बनाउन सके त्यसले सूचना प्रविधिको क्षेत्रमा ठूलो मद्दत हुने उनको भनाइ छ । स्र्टाटप इको सिस्टम बनाउनुपर्ने बताउँदै उनले एआई सबैतिर भइरहेको अवस्थामा नेपाली भाषा बुझने एआई मोडल बनाउनुपर्ने बताए ।

नेपालको स्र्टाटअपको लागि विश्वमा लैजानको लागि सम्बोधन गर्न उनले माग गरे । लगानीको लागि भेन्चर क्यापिटल आवश्यकता रहेको भन्दै एउटा युनिकर्न कम्पनी आवश्यकता भएको उल्लेख गरे ।