काठमाडौं । प्रधानमन्त्री केपी शर्मा ओलीले निराश हुनुपर्ने कारण नभएको बताएका छन् ।

शनिबार काठमाडौंमा 'एनसेल बाह्रखरी गल्फ तथा आर्थिक परिसंवाद' कार्यक्रममा प्रधानमन्त्री ओलीले सकारात्मक बन्दै सम्भावना खोज्नुपर्ने बताए ।

ओलीले निराशा फैलाउन खोजेका बेला बाह्रखरी मिडियाले आशावादी बनाउने काम गरिरहेको बताए । “मानिसहरूले निराशा फैलाउन खोजेका बेला आशावादी बनाइरहनुभएको छ । गल्फ र अर्थतन्त्रलाई जोडेर आठवर्षदेखि समगोष्ठी गर्दै आउनुभएको छ,” उनले भने ।  

ओलीले देश प्रकृति खनिजका हिसाबले धनी भएको बताए । उनले युवाहरू परिश्रमी छन् भन्ने बाहिरी देशले चिनेको उल्लेख गरे ।