काठमाडौं । अप्टिकल व्यवसायीहरूको विशेष भेला ‘अप्टिकल रिटेलर्स मिट’ हुने भएको छ । अप्टिकल व्यवसायी संघ नेपालले गरेर यही चैत २३ गते सो कार्यक्रम आयोजना गर्न लागेको हो ।

भेलामा देशभरका अप्टिकल व्यवसायी, आपूर्तिकर्ता,नेत्र–स्वास्थ्य विशेषज्ञहरू सहभागी हुनेछन् ।

भेलाले नेपालको अप्टिकल उद्योगलाई व्यावसायिक रूपमा सुदृढ बनाउने, नवीनतम प्रविधि तथा उत्पादनहरूको प्रवर्द्धन गर्ने र व्यवसायिक दक्षता अभिवृद्धि गर्ने विश्वास लिइएको संघका अध्यक्ष उमेश तुलाधरले जानकारी दिए ।

अप्टिकल क्षेत्रमा पछिल्लो समय विकास भएको प्रविधि र भइरहेका अभ्यासको प्रवर्द्धन गर्न पनि भेलाले भूमिका खेल्ने उनको भनाइ छ ।

भेलामा उद्योगका नीतिगत विषय, व्यवसायको दिगोपन र भविष्यका अवसरहरूबारे अन्तरक्रिया कार्यक्रम पनि राखिएको छ ।