काठमाडौं । चलचित्र ‘वसन्त’ र ‘कर्मा’को गीतबीच प्रतिस्पर्धा देखिएको छ । 

चैत २२ गतेबाट प्रदर्शनमा आउन लागेको ‘वसन्त’ र चैत २९ बाट प्रदशर्नमा आउने चलचित्र ‘कर्मा’का दुई गीतबीच ट्रेन्डिङमा प्रतिस्पार्धा देखिएको हो । 

‘वसन्त’को गीत ‘हेर्दै आँखामा’ र ‘कर्मा’को गीत ‘पागल’बीच प्रतिस्पर्धा देखिएको छ । 

‘हेर्दै आँखामा’ युट्युब ट्रेन्ड्रिङको म्युजिक सेक्सनको चार नम्बरमा छ । ‘पागल’ भने तीन नम्बर ट्रेन्डिङमा छ । यी दुवै गीत ट्रेन्डिङको शीर्ष स्थानतर्फ अगाडि बढिरहेका छन् । 

‘पागल’मा सुशान्त केसीको शब्द, संगीत तथा स्वर छ । ‘हेर्दै आँखामा’ सुगम पोखरेल समीक्षा अधिकारीको स्वर छ । शब्द तथा संगीत भने प्रकाश सपूतको छ । 

यी दुवै गीतमा चलचित्रका मुख्य कलाकार फिचर्ड छन् । ‘पागल’मा भने गायक सुशान्त पनि फिचर्ड छन् । 

‘कर्मा’लाई सौरभ चौधरीले निर्देशन गरेका छन् । ‘वसन्त’लाई प्रकाश सपूतले निर्देशन गरेका छन् । दुवै चलचित्रको कथा निर्देशक स्वयंले लेखेका छन् । 

‘कर्मा’मा विपीन कार्की, उपासनासिंह ठकुरी र मुकुन भुसाल मुख्य भूमिकामा छन् । 

‘वसन्त’मा प्रकाश सपूत, स्वस्तिमा खड्का र खड्गबहादुर पुनलगायत सिनेमाकाे मुख्य भूमिकामा छन् ।