काठमाडौं । आठौँ नेपाल अन्तर्राष्ट्रिय चलचित्र महोत्सव (निफ)मा मीनबहादुर भामद्वारा निर्देशित चलचित्र साम्बालाले उत्कृष्ट गौतम बुद्ध अवार्ड जितेको छ ।

त्यस्तै, चलचित्र आँखाले उत्कृष्ट राष्ट्रिय फिचर फिल्म अवार्ड पाएको छ । उत्कृष्ट निर्देशकतर्फ 'पुजार सार्की'बाट निर्देशक दिनेश राउतले अवार्ड पाएका छन् ।

उत्कृष्ट महिला कलाकार अवार्ड चलचित्र पुजार सार्कीबाट नायिका अञ्जना बराईली प्राप्त गरेकी छिन् भने उत्कृष्ट पुरूष पात्र अवार्ड आँखाबाट आरके मेहताले हात पारेका छ्न् ।

त्यसैगरी, राष्ट्रिय फिचर फिल्म अवार्ड छायांकार राजेश श्रेष्ठले जितेका छन् । उत्कृष्ट राष्ट्रिय चलचित्र लेखन अवार्ड जौन योञ्जनले पाएका छन् ।  

भारतीय चलचित्र रूक्मिणीले डंकी आट्य अवार्ड मञ्जुश्री अवार्ड (एआई फिल्म अवार्ड) अर्जेन्टिनाको चलचित्र द अविस्ले पाएको छ ।

उत्कृष्ट सर्ट फिल्म डिरेक्टर अवार्ड निशान खत्रीको चलचित्र 'अ बिटनेस'ले पाएको छ भने, 'माउन्ट एभरेस्ट अवार्ड' बेल्जियमको 'मेल्टिङ स्नु'ले पाएको छ । यस वर्ष 'वाग्मती अवार्ड' स्पेनको चलचित्र 'लुसिया जि रोमेरो'ले पाएको छ ।

लक्ष्मण सुवेदी निर्देशित चलचित्र सतिदेवीले उत्कृष्ट फिचर फिल्म अवार्ड पाएको छ । उत्कृष्ट राष्ट्रिय डकुमेन्ट्री फिल्म अवार्ड सुविना श्रेष्ठको 'देवी', अडियन्स चोइस अवार्ड डकुमेन्ट्री तर्फ चलचित्र 'गल्स रि राइटिङ डेस्टिनि', उत्कृष्ट सर्ट चलचित्र अवार्ड र राष्ट्रिय सर्ट फिल्म अवार्ड निराजन राज भेटवालको चलचित्र 'द विटनेस ट्रि'ले पाएको छ ।

चैत ७ देखि ११ गतेसम्म काठमाडौंमा भएको निफ महोत्सवमा ४० देशका ८७ फिल्म प्रदर्शन भएका थिए ।