संखुवासभा । संखुवासभाको मकालु गाउँपालिका–३, सिद्धानेखर्कमा चट्याङ लागेर ४० भेडा मरेका छन् । 

शुक्रबार (चैत ८) राति मकालु–३, सिम्माका टेकबहादुर मेघीको भेडीगोठमा चट्याङ लागेर ४० भेडा मरेको जिल्ला प्रहरी कार्यालयका प्रहरी निरीक्षक रामकुमार लामिछानेले जानकारी दिए । उक्त गोठमा २५० भेडा थिए । 

इलाका प्रहरी कार्यालय हेदाङनामार्फत घटनाको थप जानकारी लिने प्रयास भइरहेको प्रहरीले जनाएको छ । रासस