काठमाडौं । राष्ट्रिय प्रजातन्त्र पार्टी (राप्रपा)का सांसद बुद्धिमान तामाङले प्रधानमन्त्री केपी शर्मा ओलीलाई चुच्चे नक्सामा समेटिएको लिपुलेक, कालापानी र लिम्पियाधुराको भ्रमणमा जान सुझाव दिएका छन् ।

बिहीबार प्रतिनिधिसभाको बैठकमा उनले प्रधानमन्त्री ओलीलाई सोधे, “नेपालको चुच्चे नक्सामा समेटिएको लिपुलेक, कालापानी र लिम्पियाधुराको भ्रमणमा प्रधानमन्त्रीज्यू कहिले जानुहुन्छ ? भ्रमणको कुनै कार्यक्रम बनेको छ कि छैन ?”

साथै, उनले ईपीजी प्रतिवेदन बुझ्न नमिल्ने हो भनी प्रश्न गरे । “नेपाल–भारत प्रबुद्ध व्यक्ति समूह (ईपीजी)को प्रतिवेदन भारतका प्रधानमन्त्रीले नबुझेको अवस्थामा नेपालका प्रधानमन्त्रीले पनि उक्त प्रतिवेदन बुझ्न नमिल्ने हो ?,” उनले भने ।