काठमाडौं । चलचित्र ‘११ : ५५’ (डु नट ट्रस्ट एनिवन)को ट्रेलर सार्वजनिक भएको छ । काठमाडौंमा एक कार्यक्रम गर्दै आज निर्माणपक्षले ‘११ : ५५’ ट्रेलर सार्वजनिक गरेको हो । 

सार्वजनिक ट्रेलरमा सम्पत्तिका लागि बनाइने योजना र त्यसको परिणाम देख्न सकिन्छ । सम्पत्तिका लागि प्रेमको नाटक, धोका, आक्रमण र त्यसको परिणाम देखाइएको छ । 

ट्रेलरमा चलचित्रका मुख्य कलाकार सृष्टि श्रेष्ठ, महेश त्रिपाठी, करिष्मा श्रेष्ठ, सागर खनाललगायत कलाकारलाई देख्न सकिन्छ ।    

चलचित्रमा एमएस अग्रज, बुद्धि तामाङ, विशाल पहारीको पनि अभिनय रहेको छ । क्राइम थ्रिलर जानरामा निर्माण भएको चलचित्रलाई केशव पाण्डेले निर्देशन गरेका छन् ।  

सनेमाको लेखनमा निर्देशक पाण्डेसँगै एमएस अग्रज र शेखर ज्ञवाली छन् । यो चलचित्र चैत ८ गते रिलिज हुँदै छ ।