काठमाडौं । नेपाली राष्ट्रिय महिला टिमकी मिडफिल्डर रेनुका नगरकोटे चारदेशीय अन्तर्राष्ट्रिय महिला च्याम्पियनसिपको सर्वोत्कृष्ट खेलाडी चुनिएकी छिन् ।

रेनुकाकै उत्कृष्ट प्रदर्शनप्रेरित नेपाली टिमले प्रतियोगिताको फाइनलसम्मको यात्रा तय गरेको थियो । सशस्त्र प्रहरी बलको एपीएफ क्लबबाट घरेलु लिग खेल्ने रेनुकाले ५० हजार रुपैयाँको चेक प्राप्त गरिन् ।

बुधबार भएको फाइनलमा नेपाललाई २–० ले पराजित गर्दै म्यानमारले प्रतियोगिताको उपाधि जितेको छ ।