काठमाडौं । नेपाल सुपर लिग (एनएसएल)को तेस्रो संस्करणका निम्ति ‘मिनि अक्सन’ सम्पन्न भएको छ । शनिबार काठमाडौंमा गरिएको मिनि अक्सनमा तेस्रो संस्करणमा सहभागिता निश्चित भएका सात टिमले कुल ६३ खेलाडीमा बोली लगाए । 

मिनि अक्सनमा साविक विजेता समेत रहेको ललितपुर सिटी एफसीले सर्वाधिक रकम खर्च गर्‍यो । ललितपुरले १० खेलाडी भित्र्याउँदा २२ लाख २५ हजार रुपैयाँ खर्च गरेको हो । 

यस्तै, एफसी चितवन र काठमाडौं रेजर्सले समान २१ लाख ५० हजार रुपैयाँ खर्च गरे । धनगढी एफसीले १९ लाख ९० हजार, झापा एफसीले १९ लाख ५० हजार र पोखरा थन्डर्स र बुटवल लुम्बिनी एफसीले समान १७ लाख ५० हजार रुपैयाँ खर्च गरे । 

सातै टिमले तीन ‘ए’ श्रेणी र बाँकी ६ ‘बी’ श्रेणीका खेलाडी अनुबन्ध गरेका छन् । ‘ए’ श्रेणीका खेलाडीको न्यूनतम मूल्य दुई लाख रुपैयाँ तोकिएको थियो । ‘बी’ श्रेणीका खेलाडीको न्यूनतम मूल्य एक लाख ५० हजार रुपैयाँ थियो ।

नेपाल स्पोर्ट्स एन्ड इभेन्ट म्यानेजमेन्टको आयोजनामा आउँदो चैत १६ गतेदेखि प्रतियोगिता सुरु हुने तय छ ।

मिनि अक्सनमा बिक्री भएका खेलाडीको सूची–

बुटवल लुम्बिनी एफसी (मार्की – मनीष डांगी)
श्रेणी ‘ए’ – एरिक बिष्ट, प्रदीप लामा र दीप कार्की
श्रेणी ‘बी’ – निराजन धामी, सरोज तामाङ, फतेमान घले, विमल पाण्डे, टिकेन्द्रसिंह थापा र सन्दीप कार्की ।

एफसी चितवन (मार्की – अञ्जन बिष्ट)
श्रेणी ‘ए’ – विशाल श्रेष्ठ, अभिषेक लिम्बू र सुमित श्रेष्ठ
श्रेणी ‘बी’ – छिरिङ गुरुङ, रोशन रानामगर, मिलन राई, शिशिर लेखी, जय गुरुङ र निरज चौधरी ।

धनगढी एफसी (मार्की – कृतिशरत्न छुन्जु)
श्रेणी ‘ए’ – देवेन्द्र तामाङ, पासाङ लामा र विवेक पौडेल 
श्रेणी ‘बी’ – रन्दीप पौड्याल, रामचन्द्र वाजी, जर्जप्रिन्स कार्की, प्रशान्त लक्षम, अशोक खवास र जियारथ शेख ।

झापा एफसी (मार्की – लाकेन लुम्बी)
श्रेणी ‘ए’ – छिरिङ लामा, आशीष गुरुङ र एनआरएन
श्रेणी ‘बी’ – अभिषेक स्याङतान, दिपेश धिमाल, अन्जल श्रेष्ठ, रोशन पहरी, दीपेन्द्र विक र उज्वल राई ।

काठमाडौं रेजर्स (मार्की – रोहन कार्की)
श्रेणी ‘ए’ – दिपेश गुरुङ, दिनेश हेन्जन र जिलेस्पीजंग कार्की 
श्रेणी ‘बी’ – कुलदीप कार्की, अभिषेक बराल, आशीष चापागाईं, कलम श्रेष्ठ, दिवाकर चौधरी र अन्जल महर्जन ।

ललितपुर सिटी एफसी (मार्की – अनन्त तामाङ)
श्रेणी ‘ए’ – सनिश श्रेष्ठ, मनिकुमार लामा र सन्तोष खत्री
श्रेणी ‘बी’ – आदित्य शाक्य, सन्दीप गुरुङ, योगेश गुरुङ, नवीन लामा, अमिषेक वाइबा र समित श्रेष्ठ ।

पोखरा थन्डर्स (मार्की – समिर तामाङ)
श्रेणी ‘ए’ – आयुश घलान, सुरजसिंह ठकुरी र एनआरएन
श्रेणी ‘बी’ – पदम भट्टराई, राम थापा, चन्दन दास, विशाल तामाङ, क्रिसल मोक्तान र एकराज बुढाथोकी ।