काठमाडौं । नेपाली बजारमा बिहीबार (फागुन ८) सुनको मूल्य बढेर कारोबार भएको छ । सुनको मूल्य तोलामा ५०० रुपैयाँले बढेको नेपाल सुनचाँदी व्यवसायी महासंघले जनाएको छ ।

यस दिन छापावाल सुन प्रतितोला एक लाख ७१ हजार रुपैयाँमा किनबेच भइरहेको छ । बुधबार (फागुन ७) छापावाल सुन प्रतितोला एक लाख ७० हजार ५०० रुपैयाँमा कारोबार भएको थियो ।

चाँदीको मूल्य पनि तोलामा १० रुपैयाँले बढेको छ । चाँदी प्रतितोला एक हजार ९९५ रुपैयाँमा खरिद–बिक्री भइरहेको छ । बुधबार चाँदी प्रतितोला एक हजार ९८५ रुपैयाँमा कारोबार भएको थियो ।